الحلقة الثالثة
و بعد ان ظل رامز يفكر طوال الليل في قصة هذه الشقة ، يستيقظ حوالي الساعة العاشرة ، فيجد والدته أمام التلفاز ، و يتحدث معها :
سميرة : صباح الخير يا رامز ، ناوي علي إيه النهاردة ؟
رامز : ربنا كريم .
سميرة : بص يا ابني سمير ( والد رامز ) قاللي هيكلم ابن عمه علشان يشغلك في شركته .
رامز : يعني بعد ما جربت العيلة كلها ؟ يلا نشوووف ! شايفة الإعلان ده ؟
............................................
و يذهب رامز إلي نادر ليتحدث معه حول هذا الإعلان فيجده نائما ؛ فتجلس معه والدة نادر ( ميرفت ) لتتحدث قليلا :
ميرفت : ازيك يا رامز ؟ و ازي الحاجة سميرة ؟
رامز : الحمد لله كلنا كويسين .
ميرفت : يعني ما فيش شغل ظهر قدامك يا ابني ؟
رامز : ما هوه ده اللي أنا جاي فيه لنادر .
ميرفت : حيث كده يبقي ادخل صحيه ، أنت مش غريب ، و أنا غلبت معاه .
............................................
و يدخل رامز لكي يوقظ نادر فيجده غارقا في سبات عميق .
رامز : اصحا يا نادر ، قوم ياض ، انت هتمثل ؟
و بعد محاولات عديدة يستمر نادر في سباته العميق .
رامز : نااااااااااااااادر ، أنت يا ابني ، فووووووووووووووق ، أنت هتعملي فيها ميت ، قووووووووووووووم ، نااااااااااادرررر ، إيه ده ؟ ليكون مات بجد ...!
شكلها أمه خلصت منه و عايزة تدبسني ، يا أخي ....... ( لفظ خارج ) .
و يتخيل رامز ماذا سوف يحدث إذا مات نادر بالفعل :
تدخل ميرفت ( تتحدث بهدوء ) : إيه يا حبيبي هوه لسه نايم ؟
رامز : لأ هوه ، هوه .....
ميرفت : إيه ؟ وسع كده ، نادر ، نادر ، ناااااااااااااااااادرررررررررر ....!
............................................
و في المحكمة يقف رامز في قفص الإتهام ، و يتحدث وكيل النيابة .
وكيل النيابة : سيدي القاضي ، حضرات المستشارين ، إننا اليوم أمام قضية شاب تجرد من المشاعر الإنسانية ، فقد أصبح حيوانا في صورة آدمي ... عذرا ـ فالحيوان قد يمتلك بعضا من المشاعر التي فقدها هذا الشاب ......
رامز : أنا مش حيوان ، أنا بريييييييييييييييء .
القاضي : أنت تسكت خالص يا حيوان .
وكيل النيابة : لقد قام هذا الشاب بقتل صديقه الذي استضافه في شقته طوال الليل ، بعدما طرده والده ، لقد غلب النوم نادر ؛ فقام علي الفور بكتم أنفاسه معتقدا أنه لن ينكشف أمره ...! لقد فعل كل ذلك في سبيل سرقة موبيل N73 الذي يمتلكه نادر ، يا لبشاعة هذه الجريمة .....
رامز (في ذهول ) : إيه ؟
القاضي : أسكت يا حيوان .
رامز : أنا مش حيوان ، أنا بريييييييييء .
وكيل النيابة : لذا فأنا أطالب المحكمة بتوقيع أقصي عقوبة علي المتهم و هي الإعدام شنقا حتي الموت ليكون عبرة لمن لم يعتبر ، و أشكر المحكمة لسعة صدرها .
رامز (بصوت خافت ) : صدرها ؟ الله يخرب بيتك .
القاضي : نادي علي الشهود .
الشاهد الأول ( طارق عبد الكريم ) صديق القتيل .
القاضي : قول و الله العظيم أقول الحق .
طارق : و الله العظيم أول الحق ، يا باشا رامز ده من زمان بينمر علي موبيل نادر ، و بعدين ده كان بايت معاه ليلة الحادث ، و الأنيل من ده يا باشا .....
القاضي (مقاطعا ) : إيه ؟
طارق : و الأدهي من ذلك يا باشا إنه كان عايزني أشترك معاه في الجريمة في مقابل إيه ؟
القاضي : إيه يا ابني ؟
طارق : كان هيفرجني علي كليب هيفا الجديد ، و شويه حاجات مفيش داعي لذكرها يا باشا كانت علي الموبيل .
القاضي : لأ ؛ كل حاجة مهمة ، إيه هيا الحاجات دي ؟
طارق : فيديوهات دينية يا باشا .
القاضي ( ينظر إلي رامز ) : واااااااااااااااااااااااطي .
القاضي : نادي علي الشاهد التاني .
الشاهد التاني ( تامر علاء ) شقيق القتيل .
القاضي : قول و الله العظيم أقول الحق .
تامر ( متظاهرا بالبكاء ) : و الله العظيم أقول الحق ، يا باشا الواد ده كان بايت عندنا علشان أبوه طرده ، و فضل صاحي طول الليل بيرغي و أنا مش عارف أذاكر ( إهيء إهيء إهيء ) ، و الصبح ساعة الجريمة كنت في المدرسة ، و والدي في الشغل ، و والدتي كانت نايمة ، و لما غلب النوم نادر ، قام المجرم قتله ، كل ده علشان موبيل ، هتروح من ربنا فين ؟
رامز : الله يحرقك .
القاضي : أخرس يا حيوان .
رامز : أنا مش حيوان ، أنا بريييييييء .
القاضي : نادي علي الشاهد التالت .
الشاهد التالت ( نادر علاء ) القتيل .
القاضي : قول و الله العظيم أقول الحق .
نادر : و الله العظيم أقول الحق ، يا باشا أنا قلت أكسب ثواب في الواد ده ، و ابيته عندي بعد ما أبوه طرده ، و بعد ما غلبني النوم راح قاتلني وش ، يا باشا كان يقولي إنه طمعان في الموبيل ، ما كنتش هعزه عليه ، حسبي الله و نعم الوكيل .
رامز : حتي و أنت ميت ندل ؟ أكيد دفعولك أنت كمان .
القاضي : أسكت يا حيوان .
رامز : أنا مش حيوان ، أنا برييييييييييء .
القاضي : الحكم عند أم دولت .
أم دولت : حكمت المحكمة حضوريا علي المتهم رامز سمير خليل المتهم بقتل نادر علاء سعد الدين بالإعدام شنقا حتي الموت .
رامز : يعني مفيش حتي مفتي ؟ طب أنا حيوان ، بس بردو برييييييييييييء.
............................................
في حجرة نادر :
و يقوم رامز بتحريك يده اليمني بعصبيه : يا ولاد الكلب .
نادر : ايييييييييييه ؟ أنت بتضربني بالألم ؟و كمان بتشتم ؟
رامز : إيه ؟ أنت صحيت يا حيواااااااااااااااااااان .
............................................
يجلس نادر و رامز للتحدث :
نادر : يعني الإعلان ده شوفته النهاردة ؟
رامز : أفتح التليفيزيون و أنت تلاقيه .
و يضغط نادر علي زر التشغيل .
التلفاز : فرص عمل لجميع الشباب ، هنشغلك يعني هنشغلك .......
نادر : قشطة .
رامز : جهز ورقك و بكرة نروح علطول .
نادر : أكيد ، بس أنت إيه حوار الشقة اللي قلتلي عليها إمبارح علي الإيميل ؟
رامز : شقة شكلها مش مظبوطة ، نفسي أعرف إيه قصتها ؟
نادر : فكك منها ، خلينا نشوف الشغل .، بس مش مظبوطة إزاي ؟ بترقص ؟
رامز : خفيييييييييييييييف ، هعدي عليك بكرة ، سلاااااااااااااااااااام .
........................................
وإلي اللقاء في الحلقة القادمة
ليست هناك تعليقات:
إرسال تعليق